|
Námskrá
a) Lýsing á hópum
Stærðin á tungumálabekkjunum,
sem og aldur barnanna, getur verið misjöfn
frá ári til árs. Í
meðalári eru um 10-30 nemendur á
aldrinum 4-12 ára. Venjulega eru 1-4 kennarar/sjálfboðaliðar
sem tengjast hverjum bekk.
Þar sem um er að ræða nemendur
sem eru komnir mislangt, þá eru þeir
settir í mismunandi hópa í
samræmi við það; þá
getur það einnig gerst að sumir
hópar tengist á með einum eða
öðrum hætti.
b) Námsstig
Fornemendur: Venjulega á aldrinum 4-6 ára,
nemendur hafa mjög takmarkaða eða
enga reynslu af því að lesa á
sínu seinna móðurmáli.
Yngri nemendur: Nemendur þekkja bókstafi
og hljóð og geta lesið einföld
orð og myndað setningar á sínu
seinna móðurmáli: venjulega
5-7 ára.
Sjálfstæðir nemendur: Nemendur
geta lesið flókin texta og skilið
flókna setningargerð, geta lesið
sjálfstætt og í einrúmi:
venjulega á aldrinum 7-11 ára.
Vanir nemendur: Nemendur geta lesið flókin
texta á mörgum sviðum: aldur 9
ára og uppúr.
Eins og staðan er nú, þá
eru þrír námshópar:
fornemendur, yngri nemendur og sjálfstæðir
nemendur.
c) Tilgangur
Aðalmarkið námsins er að víkka
hæfni barnsins í því
að nota og skilja sitt síðara móðurmál.
Einnig er það markmið að gefa
skilning og veita stuðning varðandi menningu
sem er tengd þeirra seinna móðurmáli.
Þematengd kennsla er kjarni námsins.
Þróun markmiða innan þematengds
ramma námsins eru tengd, innan tungumáls-
og bókmenntalegs skilnings, einnig við
stærðfræði og raunvísindi.
Kennararnir styðja við notkun á
rauntungumáli við raunaðstæður
þ.e. við venjulegar aðstæður,
í leikjum og lestur leikrita. Önnur
viðfangsefni, eins og að hlusta á
sögur, læra söngva og fara í
orðaleiki, hvetja börnin til að lesa,
sem og að auka við orðaforðann
sinn. Verkefnatengt nám, leikrit og bókmenntir
eru notuð til að þróa lestrar-
og orðatækni hjá nemendunum.
Sjónvarp, tónlist og Internetið
eru mikilvæg kennsluverkfæri, tilgangurinn
með þeim er að gera nemendum kleyft
að kynnast mismunandi tegundum af mæltu
máli sem og skrifmáli á þeirra
seinna móðurmáli.
Annað markmið er að víkka
skilning barnsins á þeirra seinna
menningarheimi, þar með talið æskulýðsmenningu.
Kennarar kynna fyrir nemendum menningarleg umræðuefni,
á viðeigandi hátt sem hentar
hverjum og einum nemanda. Haldið er upp á
sérstaka hátíðisdaga,
með söng, matargerð, listasmiðju
og sögum. Vönum nemendum stendur til
boða að lesa og skrifa um efni tengt sögu,
hátíðisdögum og menningaratburðum.
d) Þema
Skólaárið er skipulagt niður
eftir sviðum. Hvert svið er með yfirskrift
sem er í tengslum við markmið og
þær lýsingar sem koma fram
í námslýsingunni sem er aðlöguð
að hverjum og einum nemanda. Yfirskriftirnar
geta verið breytilegar frá ári
til árs og er það skipulagt í
samráði við kennara og nemendur.
e) Kennsluáætlun
Tímarnir frá september til maí.
Kennsla fer fram í Alþjóðahúsinu
að Hverfisgötu.
f) Kennsluefni
Kennarar nýta sér Internetið
í miklum mæli sem og hefðbundnar
kennsluheimildir. Námið er í
nánu samstarfi við Fjölmenningarsetrið
að Hverfisgötu 18, Fræðslumiðstöðin
og tungumálakennsluna við Háskóla
Íslands.
g) Aðgangur
Leiðbeiningar varðandi inntöku í
námið:
Þetta námskeið er sniðið
fyrir börn sem búa við tvö
eða fleiri tungumál á sínu
heimili, yfirleitt er annað foreldrið
innfæddur og hitt foreldrið íslenskt.
Barnið þarf að hafa einhverja þekkingu
og skilning á hinu öðru móðurmáli
sínu sem um ræðir, þ.e.
að geta á þægilegan máta
sett sig inn í það.
I samstarfi við hvern og einn tungumálakennara
er áskilinn sá réttur að
takmarka aðgang barna að náminu
ef kennarinn telur að námið gagnist
barninu ekki.
Lykilinn að velgengni í náminu
felst í stuðningi foreldra og reglulegri
ástundun.
Reglur um inntöku geta verið mismunandi
eftir hópum.
|
